Kreu i Grupit Parlamentar të Partisë Demokratike Gazmend Bardhi ka reaguar pas shigjetimeve të kryeministrit Rama në “Opinion”.
“Ruaj nervat Edi! Mos moho vëllain të paktën. Shihemi javës së ardhshme tek Fevziu! E kuptoj shqetësimin se ke menduar se përmes promovimit të prokurorit të çështjes me votën tënde, do shpëtoje një të dyshuar si trafikant droge nga hetimi penal dhe dënimi, që rastis të jetë yt vëlla!
Mbrojta politike dhe pandëshkueshmëria i ka këmbët e shkurtra. Deri atëherë ruaj nervat se do të duhen edhe për vete!” – shkroi Bardhi në rrjetet sociale.
Më herët Rama foli me një gjuhë të ashpër ndaj Bardhit lidhur me akuzat se vëllai i tij, Olsi Rama është i përfshirë në çështjen e laboratorit të Xibrakës.
“Para se të jetë vëllai im i përfshirë në një çështje droge, jam unë i përfshirë në çështje droge, larje parash dhe dhunë në familje si dhe për gjëra të thëna dhe të stërthëna në publik në mënyrë të vazhdueshme. Kur dëgjon gjëra të tilla të vjen t’i kthesh një përgjigje shqiptarçe. Kur dëgjon një fytyrë të tillë të vjen t’i përgjigjesh shqiptarçe.
Si është shqiptarçe? Vëllai i asaj që të ka bërë kokën. Kur shikon të dhunohen kështu njerëzit e familjes tënde, që flitet për vajzën tënde të dhunohet kështu edhe pse është në punën e saj dhe që nuk ka marrë kurrë punë publike apo kur dëgjon për djalin, për babanë, për nënën të vjen ajo lloj përgjigjeje.
Ajo lloj fytyre që nxore përpara dhe që është fytyra shembullore e shpërfytyrimit. Është i njëjti që ç’nuk ka thënë edhe për djalin e atij që i është ulur sot në prehër. Ai do nxjerrë të dhëna? Ai do nxjerrë atë që s’thuhet. Unë mund të kem pasur opozicione për të tjerët, por kurrë nuk kam bërë akuza penale.
Ajo fytyra më kujton Skënder Luarasin që tha dikur në një mbledhje: “Të të them Zotëri nuk të them dot, Të të them shok nuk të them dot se nuk të kam shok. Por të them fytyrë e njohur” – tha Rama. ©LAPSI.al
LEXO EDHE: “Olsi i përfshirë të trafik droge”/ Rama i përgjigjet Gaz Bardhit: E do shqiptarçe
E bujshme/ Bardhi: TIMS u manipulua për shkak të Olsi Ramës dhe kokainës së Xibrakës
Gaz Bardhi është kalorsi që do shpëtojë Rithemelimin?
Hall i modh i ka gjet shqupistat. Deri dje i thoshin Gaz BQiri, tani e kane ne krye ne vend te baces.
Ka nje gje nuk shkon ketu? O Sulltani ka dhene ndonje ferman nga ballkoni per Gazin ose zoterija ne fjale i eshte futur detit ne kembe kur nuk di not.
Olsi loqja,nga lares pjatash ne usa,ne kryetrafikant droge.
Ai ka mohuar djalin ti thua Olsi