Policia e Shkodrës ka gjetur trupin e pajetë të një 77-vjeçari në bregun e lumit Buna. Dyshohet se viktima ka rrëshqitur në lumë teksa po hidhte mbeturinat.
‘Rreth orës 15:30, në bregun e lumit Buna, është gjetur trupi i pajetë i shtetasit P. Gj., 77 vjeç, banues në fshatin Dajç, i cili dyshohet se ka rrëshqitur aksidentalisht në ujërat e lumit, kur po hidhte mbeturina, dhe është mbytur. Grupi hetimor vijon punën për të dokumentuar me prova ligjore rrethanat e kësaj ngjarjeje’, njofton policia.