Një polic është dhunuar me sende të forta pasditen e sotme në Shkodër. Bëhet fjalë për efektivin Admir Okaj. Ngjarja ka ndodhur afro para dy orësh. Okaj është qëlluar me mjete të forta në kokë nga persona ende të paidentifikuar.
Ngjarja ndodhi në afërsi të banesës së tij në zonën e Zdrales. Okaj ndodhet jashtë rrezikut për jetën. Pasi ka marrë mjekim në kokë në spitalin e Shkodrës është larguar ndërsa po jep dëshminë e tij për policinë.
Okaj ka shërbyer për shumë vite me forcat e FNSH në Shkodër ndërsa prej disa kohësh shërben në qarkun e Elbasanit. Policia është duke hetuar ndërsa efektivët kanë sekuestruar kamerat e sigurisë në zonën përreth. Janë ende të paqarta arsyet e kësaj ngjarje.
Në Shkodër krimi ka goditur policinë jo pak herë vitin e fundit. Kujtojmë sulmin me tritol në banesën e policit Valter Serra një vit më parë. Apo edhe një ngjarje tjetër më pak se dy javë më parë, më 12 mars në Grudë e Re, fshat i Shkodrës, ku polici Gjergj Ndërshtiqaj dhe kunati i tij Gjon Nika u shpëtuan mrekullisht më shumë se 80 plumbave, aktualisht në spital jashtë rrezikut për jetën. Hetuesit dyshojnë për shkak të profesionit të 30 vjeçarit. ©Lapsi.al
Nje media tjeter thote pas nje konflikti per motive te dobta. Per pasoje dihen shkaqet dhe autoret. Fryni buzet e Ballesha Bodinakut ju ate beni….