Një bombol gazi ka shpërthyer pasditen e sotme në katin e tretë të një pallati në lagjen “Besëlidhja” në Lezhë.
Sipas raportimeve, në momentin e shpërthimit, brenda banesës gjendej një çift të moshuarish, prej të cilëve ka marrë dëmtime 70-vjeçari Shtjefen Tushi.
Ky i fundit ishte duke përgatitur kafe në momentin e shpërthimit, ndërsa mësohet se ai ka marrë lëndime në duar pasi ka tentuar të shuajë flakët në banesë.
Ai u dërgua menjëherë në spitalin e Lezhës dhe falë ndërhyrjes së forcave zjarrfikëse u bë i mundur neutralizimi i flakëve.