KLGJ ka reaguar lidhur me sulmin me tritol në banesën e gjyqtarit Tonin Sterkaj, ngjarje e ndodhur në orët e para të mëngjesit të sotëm në Shkodër.
KLGJ shprehet se ka marrë kontakte me gjyqtarin dhe me organet ligjzbatuese, që po punojnë për zbardhjen e ngjarjes.
Ndërkohë përmes një deklarate, KLGJ thekson se “përcjell shqetësimin për këto akte që cenojnë rëndë sigurinë e gjyqtarit dhe përbëjnë kërcënim serioz për gjithë shoqërinë shqiptare”.
Këshilli i Lartë Gjyqësor dënon aktin kriminal dhe i kërkon organit të akuzës hetimin, zbardhjen e ngjarjes dhe të nxjerrë para përgjegjësisë ligjore personat e përfshirë.
Këshilli i Lartë Gjyqësor në një reagim për Syri tv, i shpreh mbështetjen të gjithë gjyqtarëve të sistemit gjyqësor për të garantuar sigurinë e tyre, në mënyrë që të ushtrojnë detyrën pa frikën e kërcënimeve, pasi respektimi i funksionit dhe dinjitetit të tyre, është parakusht për një proces të rregullt ligjor, për një sistem drejtësie efektiv dhe efikas, por edhe për funksionimin normal të shtetit të së drejtës.
Pse nuk rragon klgj per gjygjtaret qe shkelin çdo ligj duke majt çeshtjet nga 5 vjet