Borussia Dortmund është në finalen e Champions League dhe udhërrëfyesi verdhezi, në arritjen e Parisit është Edin Terzic, në finalen e parë evropiane të karrierës së tij: “Para ndeshjes së parë kundër PSV-së, folëm për herë të parë se sa i shkurtër është rrugëtimi për në Londër. Shumë ishin të hutuar, – komentoi tekniku i Borussia në fund të ndeshjes -. Vitin e kaluar humbëm kampionatin në ndeshjen e fundit në shtëpi, tani jam i lumtur që mund t’u jap diçka tifozëve. E kuptuam se mund të ishim surpriza e kësaj Champions League e u rritëm në çdo ndeshje”.
“Jam i lumtur dhe krenar – vazhdoi Terzic në festën verdhezi -. Nëse fiton dy gjysmëfinalet do të thotë se finalja është e merituar. Ne po bëjmë një Champions të bujshme dhe e kemi kthyer ëndërrën në realitet”. Në finalen në Ëembley, përballë do të jetë ose Real Madrid ose revanshi kundër Bayern, duke menduar atë të vitit 2013: “Kushdo që fiton gjysmëfinalen tjetër do të jetë favorit në Londër, por ne do ta luajmë dhe sinqerisht nuk më intereson se cili kundërshtar do të jetë. Është një krenari e madhe për të luajtur këtë ndeshje me ekipin tim, ne u kthyem aftësinë për të ëndërruar tifozëve tanë”.
LUIS ENRIQUE: “6 SHTYLLA, 31 GODITJE E ASNJË GOL… E PABESUESHME”
I pafat, por i mundur në ndeshjen e parë dhe të dytën. Luis Enrique nuk mundi ta çonte PSG-në dhe Mbappe në finalen e Champions League: “Është një moment shumë i trishtë, por ishte e pabesueshme: 6 shtylla mes ndeshjes së parë dhe të dytë, 31 goditje në portë, më shumë se tre gola të pritshëm dhe nuk arritëm të shënonim. Një gjë vërtet e pabesueshme, por ky është futbolli dhe duhet pranuar, edhe nëse humbet në këtë mënyrë… Komplimente Borussias”.
Lexo më tej: Real-Bayern: rekordmeni i Champions Ancelotti kundër Tuchel, njeriu që s’ka humbur kurrë në Madrid
Objektivi i Champions League mbetet një ëndërr për klubin parisien: “Ne nuk ishim inferiorë ndaj Dortmund as në ndeshjen e parë dhe as në atë të dytë. Borussia tani ka të njëjtën mundësi për të ngritur trofeun si finalisti tjetër”.