Italia e teknikut Luciano Spalletti është zyrtarisht gati për t’u nisur në Euro 2024, ku do të luajnë ndeshjen e parë kundër Shqipërisë. Trajneri italian ka shuar rezervat e tij duke nxjerrë listën me 26 lojtarët e thirrur, që do të marrin pjesë në Kampionatin Evropian me kombëtaren e kaltër. Tre lojtarë janë shkurtuar nga 29 të pranishmit në Coverciano, por do të qëndrojnë në dispozicion deri një ditë para debutimit kundër kuqezinjve në rast dëmtimi të ndonjërit. Siç pritej, Nicolò Barella është thirrur pavarësisht dëmtimit.
Kështu, Luciano Spalletti ka bërë zgjedhjet e tij për balotazhet e fundit mes lojtarëve që luftojnë për një vend në përfaqësuesen italiane, që do të udhëtojë drejt Gjermanisë. Zgjedhje të vendosuara pak ditë më parë, por të zyrtarizuara vetëm pasi disa situata fizike janë zgjidhur me garanci të shumta nga stafi mjekësor. Rasti më i rëndësishëm ai i Barella, që duhet të rikuperohet për debutimin ndaj Shqipërisë më 15 qershor.
Lexo më tej: Italia e mallkimi i dëmtimeve, Sylvinho fërkon duart: Spalletti thërret zyrtarisht juventinin Gatti
Të tre të përjashtuarit, pra, ishin: portieri i Lazios, Provedel, ndaj të cilit Spalletti preferoi Meret, sapo u kontrollua problemi fizik që kishte para ndeshjes miqësore kundër U-20; mesfushori i Torinos Ricci, i cili humbi sfidën me Fagioli; e Orsolini i Bolonjës, ndaj të cilit tekniku preferoi Zaccagni dhe El Shaarawy.
FUTBOLLISTI ROLI SKUADRA
Donnarumma Portier Psg
Meret Portier Napoli
Vicario Portier Tottenham
Bastoni Mbrojtës Inter
Bellanova Mbrojtës Torino
Buongiorno Mbrojtës Torino
Calafiori Mbrojtës Bologna
Cambiaso Mbrojtës Juventus
Darmian Mbrojtës Inter
Di Lorenzo Mbrojtës Napoli
Dimarco Mbrojtës Inter
Gatti Mbrojtës Juventus
Mancini Mbrojtës Roma
Barella Mesfushor Inter
Cristante Mesfushor Roma
Fagioli Mesfushor Juventus
Folorunsho Mesfushor Verona
Frattesi Mesfushor Inter
Jorginho Mesfushor Arsenal
Pellegrini Mesfushor Roma
Chiesa Sulmues Juventus
El Shaarawy Sulmues Roma
Raspadori Sulmues Napoli
Retegui Sulmues Genoa
Scamacca Sulmues Atalanta
Zaccagni Sulmues Lazio