Statuja prej tre metrash kushtuar Erling Haaland në qytetin e tij të lindjes, Byrne, në Norvegji, është vjedhur. Figura kushtuar qendërsulmuesit të Manchester City, e skalitur tërësisht nga një trung peme, kishte qenë në qendër të shumë ankesave për mungesën e ngjashmërisë me atë që ajo duhej të përfaqësonte.
Hajdutët duhet të kenë përdorur një vinç dhe në mes të natës e kanë shkulur statujën nga vendi i saj. Siç raporton Sun, skulptura iu porosit skulptorit të famshëm të drurit Kjetil Barane nga biznesmeni Tore Sivertsen, i cili shpenzoi rreth 10 mijë paund. Duhet thënë se edhe ai e kishte pranuar se ajo ishte padyshim e shëmtuar. Statuja ishte instaluar dy javë më parë me planin për ta nxjerrë në ankand për të financuar një spital në Tanzani.
Sivertsen bëri disa deklarata për tabloidin britanik: “Ne jemi të gjithë jashtëzakonisht krenarë për Erling dhe mendova se do të ishte mirë të porosisja një statujë për nder të tij për t’i bërë respektin. Disa janë ankuar se ajo është shumë e shëmtuar, por le ta pranojmë, Erling është një krenari, por nuk është një djalë i pashëm. Por jam shumë i tronditur që dikush kishte vendosur ta vidhte”.