• |
ide | kryesore

300 milion lekë në banesë, nis seanca për gjyqtarin Shkëlqim Miri

Arkiva, Lajme, Të fundit

Gjykatësi Shkëlqim Miri, i arrestuar nga Policia dy ditë më parë, është dërguar në Gjykatën e Krimeve të Rënda ku ka nisur seanca për dhënien e masës së sigurisë.

Prokuroria ka kërkuar “arrest me burg” për Mirin, i cili akuzohet për korrupsion aktiv dhe pasiv: “favorizim i një të dënuari për veprën penale të vrasjes me dashje dhe armëmbajtje pa leje, kundrejt kërkimit dhe marrjes së përfitimeve monetare të paligjshme.” Mirit iu gjetën në banesë 174,810 euro; 10,149,000 lekë dhe 1,000 dollarë

Shkëlqim Miri, 46 vjeç, me detyrë gjyqtar pranë Gjykatës së Apelit Tiranë’, u arrestua në funksion të procedimit penal proaktiv të vitit 2017, për veprat penale të “Korrupsionit aktiv të gjyqtarit, prokurorit dhe funksionarëve të tjerë të drejtësisë”, “Korrupsionit pasiv të gjyqtarëve, prokurorëve dhe funksionarëve të tjerë të organeve të drejtësisë”.

Grupi hetimor kishte krijuar dyshime të arsyeshme të bazuara në prova, për favorizim e një të dënuari për veprën penale të vrasjes me dashje dhe armëmbajtje pa leje, kundrejt kërkimit dhe marrjes së përfitimeve monetare të paligjshme.

Gjykata e Rrethit Gjyqësor të Shkallës së Parë e ka deklaruar fajtor autorin dhe dënuar me 20 vjet burgim. Në Gjykatën e Apelit Tiranë është ndryshuar klasifikimi i veprës penale nga “Vrasje me dashje” në “Plagosje e rëndë” dhe aktualisht autori është liruar nga burgu.

Në këtë operacion, në bazë të dyshimeve të bazuara në provat e siguruara gjatë hetimit pro-aktiv, ka rezultuar dhe janë dokumentuar një sërë veprimesh dhe lidhjesh të dyshimta që për marrjen e këtij vendimi, gjyqtari Miri ka marrë një sasi të konsiderueshme parash.

Në kontrollin e banesës me vendim të Gjykatës së Shkallës së Parë për Krimet e Rënda, të kryer nga strukturat e Hetimit të Korrupsinit në Policinë e Shtetit, u gjetën dhe u sekuestruan në cilësinë e provës materiale 174,810 euro; 10,149,000 lekë dhe 1,000 dollarë. Hetimet po vazhdojnë për të zbuluar nëse ka persona të tjerë të implikuar në këtë veprimtari kundra-ligjore

1 Comment

  1. edi rama edhe pasi ta dhame voten gjera skan ndryshuar,,dhe kur je i pafajshem por ske lek ngelesh ne burge.
    edi rama ndrysho gjerat se ndryshe ashtu si ta dhame voten ashtu dhe sta japim me

Lini një Përgjigje

Adresa juaj email s’do të bëhet publike.

Kthehu