Sot në mbrëmje është finalja e madhe e spektaklit të talenteve të reja në këngë, The Voice Kids. Siç e do patenta e kompeticionit dhe siç është bërë traditë tashmë, në çdo finale të spektaklit ka të ftuar këngëtarë shumë të njohur dhe të rëndësishëm të skenës në vend dhe më tej.
E ftuara e kësaj finaleje është këngëtarja Elvana Gjata e cila tashmë ka një karrierë që po zyrtarizohet sa vjen e më shumë ndërkombëtarisht. Elvana është rikthyer fuqishëm në tregun muzikor pas publikimit të albumit të saj të fundit të titulluar “3” dhe pas publikimit të single-it “Off Guard” i cili erdhi si bashkëpunim me reperin Ty Dolla $ign.
Këngëtarja që po kryeson listat e klasifikimeve ndërkombëtare të muzikës do të jetë mbrëmjen e sotme, për të dhuruar spektakël, në skenën e The Voice Kids.