Një video e xhiruar nga kamerat e sigurisë dhe nën efekte aspak të qarta drite, është publikuar së fundi “ekskluzivisht” nga portali opinion.al. Sipas shkrimit që shpjegon rrethanat e ngjarjes, bëhet fjalë për ish-banoren e reality show-t Big Brother, Françeska Jaçe, e cila dhunohet teksa qëndron e ulur në tavolinë. Opinion shkruan se femra tjetër që rreh në mënyrë të pashembullt modelen vlonjate, është ish-bashkëshortja e të dashurit të Françeskës. Për më tepër, në lajm thuhet se pas këtij sherri Françeska ka përfunduar në Spitalin Ushtarak me katër të qepura në buzë dhe se e gjitha ndodhi për shkak të xhelozisë së ish-bashkëshortes së të dashurit biznesmen të bjondes sexy.
Në fakt ka disa momente të përmendura në këtë shkrim, të cilat lënë dyshime mbi vërtetësinë e lajmit. Që nga video e cila nuk dallohet nëse personazhet janë vërtetë ata, deri tek të çarat e numëruara në buzë, apo historia e thashethemeve që Françeska përhapte për ish-gruan e të dashurit. Janë këto detaje që Lapsi.al tentoi t’i konfirmojë pas një inboxi anonim të mbërritur disa ditë më parë në faqen tonë në facebook, por me sa duket burimet patën frikë t’i dalin për zot kësaj dëshmie. Pavarsisht të gjithave, përderisa as opinion nuk citon dëshmitarë që kanë rrëfyer kaq hollësisht ngjarjen, do duhet që vetë Françeska, të pranojë ose hedhë posht përfshirjen në sherrin e xhiruar, i cili thuhet se është i verës së shkuar.