Policia e shtetit ka dhënë detaje mbi grabitjen e filialit të BKT-së në qytetin e Laçit. Sipas një njoftimi zyrtar të dhënë në orët e vona të mbrëmjes policia thoit se në Sallën Operative të Komisariatit të Policisë Laç ka rënë alarmi i filialit të bankës në orën 16:24.
Policia thotë se patrulla e parë ka shkuar brenda 3 minutash te banka. Policia thekson se pas 15 sekondash mbërriti patrulla e dytë dhe pas 20 sekondash e treta.
Nga kontakti i parë i marrë me punonjësit e bankës ka rezultuar se 3 persona të maskuar ende të paidentifikuar, 2 prej tyre me pistoletë dhe njëri me vare kanë thyer xhamin e derës kryesore të njësisë së Bankës dhe nën kërcënimin e armëve, kanë marrë një sasi parash.
Lekët ishin në përpunim nga punonjësit e bankës. Me pas autorët janë larguar me një automjet. Banka nuk ka qenë e hapur për klientët, por ka qenë duke u kryer veprimet e brendshme të saj.
Nga veprimet e kryera rezulton se nuk ka persona të lënduar dhe se autorët nuk kanë qëlluar me armë. Policia thotë se në lidhje me ngjarjen, u ngritën menjëherë pika të shumta kontrolli, në të gjitha akset që lidhin qytetin e Laçit me qytetet e tjera.
Në Laç, kanë mbërritur menjëherë Drejtori për Hetimin e Krimeve të Rënda, Drejtori i FLO-së dhe Drejtori i Rendit Publik në Policinë e Shtetit. Në ndihmë të Komisariatit të Policisë Kurbin, kanë shkuar edhe 2 grupe të FNSH-së Tiranë dhe një grup i FNSH-së Shkodër.
Gjithashtu në ndihmë të specialistëve për hetimin e krimit të Drejtorisë Vendore të Policisë Lezhë janë angazhuar edhe ekspertë të hetimit për Krimet e Rënda në Drejtorinë e Përgjithshme të Policisë së Shtetit.
Forca të shumta policie po krehin zonën dhe po vijojnë kontrolle në ambiente ku mund të jenë fshehur autorët dhe mjeti që kanë lëvizur. Në drejtimin e Prokurorisë së Rrethit Gjyqësor Kurbin, deri tani janë kryer një sërë veprimesh në vendngjarje dhe në terren.
Grupi hetimor po sekuestron çdo provë sado të vlefshme që do t’i shërbejë zbardhjes së ngjarjes. Njëkohësisht po vijon puna për sekuestrimin e të gjitha kamerave në të gjitha drejtimet që të çojnë në bankën ku ndodhi ngjarja.
Deri tani janë shoqëruar disa persona, si dhe janë kontrolluar banesa e garazhe. Specialistë të bankës qendrore të këtij filiali po punojnë për përcaktimin e shumës së parave të vjedhura.
E morrem vesh qe e gjithe policija,paska lene vendet e kanabisit dhe qenka turrur e gjitha ne Lac,ku 100 metra larg komisariatit,nje banke eshte vjedhur.Bile grupet e para,paskan mbritur mbas 3 minutave,kohe rekord per te kapur qofte edhe mizat qe kane fluturuar neper banke,por ama hajdutet,i paskan lene hijen.Qenka rrethuar,simbas njoftimeve te policise,edhe pothuaj gjysma veriore e Shqiperise,por hajdutet,sic po duket,na qenkeshin nga Shqiperija e jugut.Gjithe ai raport i gjate,mund t’i vleje policise,mbasi ta kete kapur hajdutin/tet,per te marre shperblimet,por jo kur ,flutuon-fluturon-fluturon——–fluturon,Hajduuuutiiiiii.
Pyetje shume interesante,cfare ndodhi gjate grabitjes se nje banke ,ne Lac?Nuk ka nevoje fare per njoftimin (shume te tejzgjatur e policise,)sepse pergjigje eshte shume e qarte dhe shume e shkurter:kane vjedhur-parate.