Megjithëse njihet shumë pak në perëndim, Dilraba Dilmuratin, e njohur si Dilireba është shumë e famshme në Kinë. Aktorja e re kineze e lindur në rajonin e Xinjiangit, në perëndim të vendit me shumicë myslimane, u bë e njohur 5 vjet më parë me dramën televizive “Anarhan”. Ajo i ka rënë në sy edhe futbollistit brazilian, ish-lojtarit të Milanit, Alexandre Patos, i cili po mundohet ta bëjë për vete. Madje, lojtari i skuadrës kineze të Tianjin Quanjian po mundohet në të gjitha mënyrat të tërheqë vëmendjen e bukuroshes kineze.
“Megjithëse ende nuk më është përgjigjur, besoj se nëse vazhdoj të shënoj gola, do të jem në gjendje t’ia tërheq vëmendjen”, – tha Pato, i cili është fotografuar në stadium me një fotografi të kinezes. 28-vjeçari u transferuar në radhët e klubit të superligës kineze nga skuadra spanjolle e Villareal. Tianjin Quanjian arriti një fitore 4-2 kundër Jeonbuk në kuadër të Ligës së Kampionëve të Azisë.
