Në ndeshjen që vlente kualifikimin për Danimarkën dhe shpresën për të mbetur në lojë për Australinë, nuk fiton askush dhe 1-1 i mban Danimarkën dhe Australinë në pozita delikate në Grupin C. Gjithcka vendoset nga VAR, sistemi që duket se po bëhet protagonist në mënyra të ndryshme për të dyja Kombëtaret: për të dytën ndeshje rradhazi Australia shënon me 11 metërsh të sinjalizuar nga VAR e po për të dytën ndeshje rradhazi Danimarka merr 11 metërsh kundër pas sinjalizimit nga teknologjia në fushë.
Danimarka ishte favoritja dhe avantazhi i shpejtë legjitimoi pritshmëritë. Eriksen nuk zhgënjen as në ndeshjen e dytë dhe shënoi në minutën e 7, pas një kombinimi spektakolar me Jorghensen, duke thyer rezistencën e Australisë.
Danimarka e mendoi ndeshjen më të lehtë se duhej, por për fatin e Hareides në portë është Kasper Schmeichel. Portieri u tregua deciziv në cdo tentativë të ardhur drejt ti, me përjashtim të goditjes së Jedinak nga pika e bardhë, që u akordua pas sinjalizimit të VAR në minutën e 38.
Australia nuk arriti të fitojë ndeshjen, por mundi të prishë rekordin e Danimarkës, që nuk kishte pësuar asnjë gol në 5 ndeshjet e fundit. Tashmë, në pritje edhe të zhvillimit të ndeshjes tjetër, skuadrat e kualifikuara do të vendosen në ndeshjet e fundit të Grupit C. Danimarka ka 4 pikë, por në fund luan kundër Francës favorite, ndërsa Australia ka 1 pikë, por të fundit e luan kundër Perusë.
https://streamable.com/hkack
https://streamable.com/hpl5e