Pas babait, tashmë është vëllai i Meghan Markle ose Thomas Markle Junior ai që i është kundërvënë familjes mbretërore. Sipas tij gjysmë-motra nga babai ka ndryshuar shumë që nga momenti që u martua dhe fajin për shumë gjëra e ka Princi Harry.
“Kjo nuk është Meghan-i që unë mbaj mend. Megi dikur ishte e kujdesshme për të gjithë, për të kishte shumë rëndësi të ishte e interesuar për të tjerët. Por që prej kohës që hyri në Hollywood, gjithçka në jetën e saj ndryshoi. Atëherë ndoshta mendonte se ishte mbi të tjerët e tashmë që është martuar e mendon akoma edhe më shumë.”
“Nëse sot nuk do ishte me Princin Harry pavarësisht gjithçkaje do e linte pas mërinë dhe do shkonte të shihte babain tonë nga afër e të sigurohej se është mirë.”,- ka thënë vëllai i Dukeshës.