Marcelo ka mbyllur cdo mundësi për një transferim të ardhshëm tek Juventus me një deklaratë që lë pak vend për dyshime: “Qarkullojnë shumë opinione që bëhen pastaj thashetheme, në kohën kur në realitet janë vetëm shpifje. Kam entuziazmin e 18 vjecarit Vinicius”. Asnjë dëshirë e brazilianit për të ndjekur Cristiano Ronaldon në Itali: “Që kur kam arritur këtu dëgjoj zëra për merkaton, por cdo vit tregoj dëshirën time për të qendruar tek Real”.
Raporti me Lopetegui ka nisur disi i ftohtë me zëvendësimin kundër Girona, ankimin e brazilianit e stërvitjen si dënim me rezervat. Kjo ka bërë që të happen zërat e merkatos, që e shihnin Marcelo tek Juventus: “Jam i elektrizuar që luaj tek Real Madrid e dua ta mbyll këtu karrierën time – komentoi ai për Real Madrid TV -. Ka shumë njerëz që fshihen pas rrjeteve sociale për të shpifur. Kam shumë vite kontratë dhe jam i lumtur këtu në Madrid”. Marcelo ka një kontratë deri në 2022 e një klauzolë për zgjidhjen e saj prej 200 milionë euro.