Ndeshja perfekte për Paulo Dybala: kundër Young Boys ka ardhur edhe tregolëshi në Champions League, e pikërisht nën sytë e Cristiano Ronaldos që e ka parë ndeshjen nga tribuna. Nuk ka qenë aspak i lumtur portugezi, që ka parë ti ikë një mundësi e artë për të shënuar gola të rëndësishëm në Champions, që do ti shërbenin për Topin e Artë. Kartoni i kuq aq i diskutuar, ndaj Valencias, ka bërë që CR7 tia lërë skenën Paolo Dybala.
Diplomatik numri 10 që e di mirë, se në vend të mirëkuptimit me Mandzukic (sa herë luan krah kroatit, Dybala është rezultativ), duhet të gjejë atë me Cristiano Ronaldon: “Sigurisht duhet të përmirësoj bashkëpunimin me Ronaldo, por mendoj se po punojmë shumë mirë. Pa Cristiano nuk është e lehtë, por duhet të mbetemi të përqednruar për të mos u varur vetëm nga Ronaldo”.
I lumtur argjentinasi që nuk e kishte filluar mirë sezonin: “Pankinat? Sigurisht kam dëshirë të luaj gjithnjë. Vitin e kaluar ishte e kundërta, e nis mirë me shumë gola e pastaj rashë. Këtë vit, përjashtimet më kanë bërë të punoj më shumë”.
STATISTIKAT
Paulo Dybala ka shënuar në të katër sezonet e Champions League që ka luajtur.
Në nëntë golat në totat në kompeticion, ato të shënuara kundër Young Boys e cojnë në katër numrin e golave në fazën e grupeve.
Dybala ka shënuar katër gola në tre ndeshjet e fundit në të gjitha kompeticionet.
Juventini i fundit që kishte shënuar tre gola në Champions League në një ndeshje ishte Arturo Vidal në 2013 kundër Copenaghen.
Dybala është bërë juventini i katërt që shënon tregolësh në Champions League pas Filippo Inzaghi (x2), Alessandro Del Piero e Arturo Vidal.
Hat-trick! ?⚽️⚽️⚽️⚪️⚫️ #juventus #ucl #championsleague #football #futbol #ChampionsLeague pic.twitter.com/2Ae267xQuq
— Paulo Dybala (@PauDybala_JR) October 2, 2018