Këngëtarja e famshme amerikane Kehlani është në pritjen e ëmbël dhe shprehet se këtë e ka dëshiruar gjithmonë.
Ajo dha lajmin e gëzuar përmes një postimi në “Instagram” të premten, ku tregon barkun e rrumbullakosur dhe se pret një vajzë.
“Kam qenë gjithnjë e hapur me të gjithë ju për të gjitha aventurat e mia personale dhe kjo ishte më e vështira për t’u fshehur. Nëse më njihni mua, e dini se kam pritur të bëhem nënë qysh kur kam qenë shumë e vogël. Kur më pyesnin se cilat janë qëllimet e mia, gjithnjë kam dashur familje të madhe e të shëndetshme, dhe çfarëdo që vjen më pas është një plus”, shkroi krah postimit 23-vjeçarja.
Ajo tregoi se është në muajin e katër të shtatzënisë dhe mezi pret që të sjellë në jetë vogëlushen. Në prill këngëtarja foli hapur për seksualitetin e saj, se pëlqen edhe femrat, nuk e cilëson veten si biseksuale, por të çuditshme.
