Gjatë javëve të fundit, kudo është shkruar për martesën e Justin Bieber dhe Hailey Baldwin, por çifti ka vendosur që të qëndrojë në heshtje.
As këngëtari dhe as modelja nuk janë prononcuar personalisht për këtë çështje, derisa një fans i pyeti lidhur me këtë.
“Us Weekly” raporton se fansja Nona Melkoni, e cila ishte ulur pranë çiftit për të ngrënë ushqim në një restorant, mori ekskluzivitetin e lajmit për të cilin po pret gjithë bota.
“I pyeta nëse janë të martuar dhe ata thanë në një njëjtën kohë ‘Po’. Ishin të dy shumë të lumtur dhe të sjellshëm. Ai më tha që ajo është engjëlli i tij”, u shpreh fansja, pas takimit që pati me çiftin të martën.