Kina raportoi ritmin më të ngadalshëm të rritjes tre-mujore ekonomike që nga kriza financiare globale e vitit 2008-2009.
Shifra e rritjes për tremujorin korrik-shtator është 6.5%, më e ulëta që nga viti 2009, njoftoi Byroja Kombëtare e Statistikave.
Kina po përballet me sfida të mëdha ekonomike, përfshirë nivelet e larta të borxhit dhe luftën tregtare me Shtetet e Bashkuara.
Mosmarrëveshjet tregtare me SHBA-në, që kanë të bëjnë me tarifat në importe, pritet të ndikojnë në shifrat e rritjes ekonomike në Kinë edhe në muajt e ardhshëm.