Romanca e tyre ka nisur vite më parë, derisa u kurorëza me martesë në vitin 2012. Reperi Lum Berisha, i njohur me pseudonimin e artit Lumi B, u rrëfye edhe për jetën e tij private gjatë një interviste për emisionin “NIN”.
32-vjeçari tregoi se i propozoi bashkëshortes së tij, Miranda Mehmeti, me të cilën ka 11 vite lidhje.
“Jam me Mirandën që kur isha 21 vjeç. U zumë për diçka i thash nëse kthehemi do të martohemi. Kur u kthyem prapë bashkë, thamë boll me këto lojëra, unë të dua, ti më do”, tregoi Lumi B.
Çifti ka edhe një djalë 5 vjeç, Blini, i cili ua ka kompletuar dashurinë që kanë ndjerë prej vitesh për njëri-tjetrin.