Gjërat kanë shkuar nga keq në më keq për Jose Mourinho që ka folur për të rikthyer Michael Carrick, nga tërheqja, për ta vendosur në fushë kundër Juventus.
Sigurisht tekniku i Manchester United është treguar sarkastik — mënyra e Special One për të treguar mungesën e alternativave tnë skuadër e për Romelu Lukaku komplet jashtë forme.
Sulmuesi që kushtoi £75milion paund do të përballët me ish-klubin e tij Everton, në kohën kur ka dështuar të shënojë për 8 ndeshje radhazi — një seri negative që zgjat nga mesi i shtatorit.
E normalisht që do të ishte në pankinë sikur Mourinho të kishte qoftë edhe një alternativë të vetme. Në fakt, merkato ka qenë pika konfliktuale me shefin e klubit Ed Ëoodëard, të cilin portugezi e akuzoi se nuk i kishte blerë lojtarët që i duheshin në verë, por është edhe e vërtetë që Mourinho ka shpenzuar mbi £380 milion paund që kur ka mbërritur në Old Trafford.
Ndoshta faji është i trajnerëve të kombëtareve që nuk i kthyen në kohë lojtarë si Alexis Sanchez, Marouane Fellaini dhe Diogo Dalot, nga grumbullimet gjatë pauzës së kampionatit për tu trajtuar, pavarësisht se e dinin që ishin të dëmtuar. Apo si në rastin e Jesse Lingard, që nuk administroi gjendjen e tij fizike, që pas Kupës së Botës dhe humbi muajin e fundit duke u rikuperuar nga dëmtimi në ijë.
Sigurisht nuk është faji i Mourinhos që provon fatin me Lukaku javë pas jave, edhe pse e pranon se sulmuesi i tij kryesor ka mungesë besimi.
Marcus Rashford mund të kishte qenë një opsion në qendër të sulmit, por 21 vjecari anglez i duhet të luajë në krah. Anthony Martial është një tjetër — por francezi sapo ka gjetur formën e tij, duke zbritur nga e majta.