Lewis Hamilton rrëmben pole position e 10 të tij në Cmimin e Madh të Brazilit, gara e parafundit e Botërorit. Rrëmben është pikërisht fjala e duhur për britanikun e Mercedes, suksesi i të cilit u vendos nga disa vendime të diskutueshme të komisarëve të pistës.
Hamilton xhiroi 1’07”281, duke mbajtur pas shpine për fare pak Ferrari e Vettel (+ 0”093), që do të niset me të nga vija e parë, ndërsa pas tyre do ta bëjnë garën emocionuese në vijën e dytë Bottas-Raikkonen e në të tretën Verstappen-Ericsson.
Nuk erdhën reshjet që shqetësonin pilotët dhe skuderitë, por nuk munguan emocionet në kualifikueset e Brazilit. Ato që krijuan debat ishin vendimet e komisarëve të garës: Hamilton ishte autor i disa manovrave në limit. Një mbyllje e lehtë por evidente ndaj Raikkonen (që ishte në kronometrim të plotë të kohës) e një lëvizje e papritur që nxorri jashtë pistës Sirotkin. Britaniku është falur cuditërisht nga komisarët sepse rusi ishte në “out lap” e jo në xhiron kronometruese. Një vendim i pajustifikuar duke parë rrezikun që kaloi piloti i Williams.