Ditën e sotme dizajneri i famshëm gjerman Philipp Plein ka ndarë me ndjekësit e tij në Instagram momentin prekës kur pas 4 vitesh është takuar me të birin.
“Ky është momenti në të cilin takova djalin tim për herë të parë pas afro 4 vitesh. Më datë 25 dhjetor të vitit 2014 djali im Romeo Prince Plein, asokohe 1- vjeç e 6 muajsh u largua me të ëmën për në Brazil. Që prej asaj kohe ne kemi humbur kohë duke u zënë me avokatë për asgjë në vend që t’i jepnim djalit tonë atë që me të vërtetë meriton… një nënë dhe një baba!” Romeo Prince është djali që stilisti ka nga lidhja e tij me Fernanda Rigon. Philipp dhe ish- partnerja e tij mësohet se janë njohur në një lokal në Milano ku Fernanda punonte si hostess për 17 dollarë në ditë. Pas lindjes së djalit çifti pati mosmarrveshje ndaj Feranda u zhvendos në Brazil së bashku me Romeon për të filluar një jetë tjetër.