Partizani ka arsye të festojë në fundin e vitit 2018: Kampion dimri me diferencën e katër pikëve nga vendi i dytë, edhe pse duhet edhe një ndeshje që Superioria të shkojë në pushimet dimërore, por edhe një “i kuq” merr cmimin Lojtari i Vitit 2018. Lorenc Trashi polivalenti i Partizanit ka merituar trofeun, që është dorëzuar në mbrëmjen gala të Federatës Shqiptare të Futbollit.
Mesfushor i rolit, por një “xhol” i vërtetë pëer Skënder Gegën, performancat e 26 vjecarit kanë qenë mbresëlënëse. 16 ndeshje të luajtura, një asist dhe asnjë gol, por vetëm sepse tekniku i ka gjetur një pozicion të ri si mbrojtës të majtë, për të zëvendësuar alternativat kryesore që nuk po jepnin rendimentin e duhur.
Trashi fitoi vendin me lojëra prestigji dhe intensitet, duke u kthyer në pistonin e shtuar të Gegës, një nga ata që që duket si sulmues anësor plus. 1430 minuta në fushë, vetëm 10 minuta është privuar nga totali i mundshëm Skënder Gega nga lojtari i tij i preferuar.
Trashi, që karrierën e nisi me Lushnjen ku në 29 ndeshje shënoi 6 gola, tek Partizani ka koleksionuar 167 ndeshje, në të cilat ka realizuar 10 gola dhe ka dhënë 19 asist. 2018 ka qenë viti më i mirë i lojtarit, që pasi është shpallur kampion dimri, shpreson që festojë në fund rikthimin në kryeqytet të titullit kampion që mungon nga 1993.
ÇMIMET
“Nderi i futbollit shqiptar” Perlat Musta
“Nderi i futbollit shqiptar” Edvin Murati
“Nderi i futbollit shqiptar” Qamil Teliti (pas vdekjes)
“Legjenda e futbollit shqiptar” Genc Tomori
“Legjenda e futbollit shqiptar” Osman Mema
“Legjenda e futbollit shqiptar” Agim Canaj
“Futbollisti më i mirë i vitit” Lorenc Trashi
“Futbollistja më e mirw e vitit” Megi Doçi
“Arbitrin më i mirë i vitit” Enea Jorgji