Reperi amerikan Nipsey Hussle ka ndërruar jetë në moshën 33 vjeçare pasi u qëllua për vdekje në Los Angeles. Artisti i njohur, emri i vërtetë i të cilit ishte Ermias Davidson Asghedom, ishte objektivi i një sulmi me armë që ndodhi jashtë dyqanit të tij të rrobave në LA pasditen e djeshme.
Nispey ishte mes tre personave që u qëlluan, por ndërkohë që dy të tjerët u transportuan në spital dhe gjendja e tyre u stabilizua, ai fatkeqësisht ndërroi jetë në vend për shkak të plagëve të marra. Autori i sulmit nuk është identifikuar ende.