Nëse mesditën e sotme keni pasur probleme Facebook, Instagram dhe Whatsapp, nuk jeni të vetmit, pasi janë konstatuar probleme në të gjithë botën.
Mediat e huaja shkruajnë sot se shërbimet e Facebook po përjetojnë vështirësi teknike, me përdoruesit në Evropë, Malajzi dhe disa pjesë të SHBA-ve që raportojnë mungesën e qasjes në Facebook, Instagram dhe Whatsapp.
Problemet janë vënë re edhe në Shqipëri, pasi hyrja në “Faceb0ok” është bërë e pamundur për shumë përdorues, ashtu si edhe dërgimi i mesazheve apo veprime të tjera.
Ndërkohë nuk ka ende sqarime se çfarë ka ndodhur me këto platforma. Mijëra përdorues kanë reaguar në Twitter duke shfaqur problemin.