Shqiptarët e diasporës janë dalluar për një pjesëmarrje aktive në jetën politike të vendeve tyre pritëse. Në zgjedhjet lokale të Italisë që priten të zhvillohen me datë 26 maj, m dhjetëra shtetas shqiptar me nënshtetësi italiane, kanë vendosur të shpallin kandidaturat e tyre.
Lokalet i Italisë përkojnë në kohë me zgjedhjet që do të mbahen në çdo shtet anëtar të BE-së për ripozicionimi e forcave politike në Parlamentin Evropian. Pergjatë gjithë Italisë, gjenden të shpërndarë në listat e subjekteve të ndryshme politike 22 kandidatë të kombësisë shqiptare.
Mes tyre, evidentohet kineastja dhe përkthyesja Eva Meksi, e cila u vendos 28 vjet më parë në Bari, ku dhe ka vendosur të garojë si zyrtare vendore për të kontribuar në veprimtarinë komunitare të këtij qyteti. Po ashtu, vlen të veçohet avokatja e e specializuar në të drejtën e emigracionit, Uljana Gazidede, e cila ka ndjekur çështje të shumta në mbrojtje të emigrantëve në Itali.
Lista e plotë e kandidatëve shqiptarë:
Sonila Alushi, Borana Tartari, Uljana Gazidede, Eva Meksi, Dashamir Kruja , Ina Dhimgjini, Ilda Beqo, Admir Toto, Arli Dervishi, Valbona Kalaj, Gentjan Rizo, Petrit Malaj, Agim Lorenzo Danaj , Dejnada Kasa, Denis Bendo, Blerina Halili, Xhoana Bushi,Adela Ibraimi, Leonora Bytyqi, Roland Ndoci, Mirela Gega.