Kryeministri i Kosovës, Ramush Haradinaj, ka reagur në rrjetet sociale duke shpjeguar se aksioni në veriun e Mitrovicës nuk është gjë tjetër përveçse zbatim korrekt i ligjit.
Sipas Haradinajt, ky aksion policor është i drejtuar ndaj individëve të përfshirë në kontrabandë, krim të organizuar dhe vepra të tjera kriminale.
“Me urdhër të Prokurorit, në gjithë Kosovën aktualisht është duke ndodhur një operacion policorë, i drejtuar ndaj individëve të përfshirë në kontrabandë, krim të organizuar dhe vepra të tjera kriminale. Disa prej personave të përfshirë në këto vepra janë zyrtarë doganorë, policë por edhe qytetarë të rëndomtë.
Operacioni u zhvillua me sukses edhe në Komunat Veriore të Kosovës.
Si Kryeministër i vendit, konfirmoj se bëhet fjalë për zbatimin të ligjit dhe asgjë tjetër.
Ftoj serbët e veriut ta ruajnë qetësinë dhe ta respektojnë ligjin!”, tha Haradinaj.