Ritvan Zykaj, autori i masakrës së Selenicës, ku mbetën të vrarë me armë zjarri 8 persona, familjarë të tij, është dënuar me burgim të përjetshëm.
Vendimi u dha sot në Gjykatën e Shkallës së Parë në Vlorë. Organi i akuzës mbylli hetimet mbi rastin në fjalë, të ndjekura nga prokurori Saimir Smaka dhe dorëzoi në Gjykatë kërkesën për gjykim më datë 8 janar të këtij viti.
Ndaj autorit nuk u aplikua gjykimi i shkurtuar, i cili nuk parashikohet më në ligj, i ndryshuar në Kod prej vitit 2017, në rastet e kryerjes së krimeve të rënda.
Për krimin e kryer nga Zykaj, ligji parashikon një dënimi që varion në jo më pak se 35 vjet burg dhe deri në burgim të përjetshëm.