• |
ide | kryesore

Reforma zgjedhore/ Opozita vendos kushte të forta (platforma e plotë)

Arkiva, Kryesore

Megjithëse edhe Bundestagu gjerman edhe BE edhe i dërguari i posaçëm i ShBA për Ballkanin, kanë vënë si një nga kushtet parësore miratimin e reformës së re zgjedhore, opozita ka paraqitur kushte të forta për miratimin e saj. Në platformën e detajuar të paraqitur sot, vihen re dy aspekte, ato që mund të konsiderohen si kushte formale dhe ato që janë thelbësore.

Në ato që mund të quhen si kushte formale vihet re se koalicioni opozitar nuk pranon që reforma të bëhet në kuadër të këtij parlamenti që ajo e konsideron si të dalë nga votat e blera prej krimit: “Komisioni Parlamentar për Reformën Zgjedhore nuk gëzon legjitimitetin e nevojshëm për realizimin e reformimit të kuadrit ligjor zgjedhor dhe nuk është organ përfaqësues i vullnetit të qytetarëve. Ai është produkt i zgjedhjeve parlamentare të vitit 2017, të diktuara gjerësisht nga krimi i organizuar dhe blerja e votave me paratë e pista të krimit. Për pasojë, asnjë Komision që ka në përbërje dhe drejtim individë që duhet të ishin në burg për krime elektorale, nuk gëzon legjitimitetin për realizimin e Reformës Zgjedhore”, thuhet në platformën e saj (pika ¼).

Dhe nisur nga ky konstatim propozohet që reforma zgjedhore t’i hiqet paralmentit, ajo të drejtohet nga ndërkombëtarët (madje të shmanget edhe opozita fallco sepse formula e propozuar është një drejtim ndërkombëtar, një përfaqësuesi i parlamentit dhe një përfaqësuesi i opozitës bojkotuese). Por sikur kjo mos mjaftonte, edhe miratimi kërkohet të mos bëhet nga parlamenti jo legjitim, por përmes formave të vendimarrjes popullore, si psh referendumi (Pika 1.5)

Në ato që mund të konsiderohen si kushte thelbësore kërkohet pothuajse një përmbysje totale e sistemit aktual. Aty supozohet që të hartohet një ligj që u jep më shumë hapsirë qytetarëve (psh eleminimi i listave të mbylluara për të cilat vendosin kryetarët/ Pika 1/3), që të kontrollojë më mirë financimin okult të partive, aty kërkohet të ndryshohen sipas konkluzioneve të fundit të OSBE ODHIR-it edhe një sërë ligjesh të tjera si ai për administratën publike, ligjin për Policinë e Shtetit, Ligjin për Mediat Audio-Vizive, etj. Po t’u shtosh këtyre edhe kërkesat se kjo reformë nuk ka kuptim pa u ndëshkuar vjedhësit e mëparshëm të votave, pa u depolitizuar administrata publike, pa u ndryshuar KQZ e kapur, i bie që ajo të shtyhet në kalendat greke.

©Lapsi.al

Platforma opozitare për Reformën Zgjedhore

  1. Opozita e Bashkuar i përgjigjet pozitivisht ftesës së partnerëve ndërkombëtarë, si tregues i mirënjohjes për përpjekjet e tyre për forcimin e demokracisë funksionale në Shqipëri dhe bashkëpunimit ndër vite për reformimin e kuadrit ligjor për zgjedhjet në Shqipëri.

1.1. Duke qenë se Reforma Zgjedhore është një nga kushtet për ecurinë e mëtejshme të Shqipërisë në procesin e integrimit europian, Opozita e Bashkuar angazhohet të mbështesë realizimin e saj.

1.2. Opozita e Bashkuar rithekson nevojën për Reformë të vërtetë Zgjedhore, që mund dhe duhet të realizohet e zbatohet vetëm nga institucione apo subjekte zgjedhore që kanë vullnet për të garantuar zgjedhje të lira dhe të ndershme. Në këtë drejtim, personat, subjekt të hetimeve penale nr. 184/2016 apo nr. 339/2017, janë në kushtet e konfliktit të interesit me zgjedhjet e lira dhe të ndershme, si dhe me Reformën e vërtetë Zgjedhore për të cilën ka nevojë vendi.

1.3. Diskutimet mbi Reformën Zgjedhore duhet të jenë transparente, gjithëpërfshirëse dhe publike, duke përfshirë në hartimin e saj edhe përfaqësues të të gjitha grupeve të interesit dhe shoqërisë civile. Opozita e Bashkuar angazhohet për të diskutuar një reformë për ligjin e partive politike, përfshirë transparencën e financimit të tyre dhe fushatave zgjedhore, vendimmarrjen demokratike brenda partive politike, si dhe një sistem zgjedhor që u jep mundësi qytetarëve të shprehen për përfaqësuesit e tyre dhe një reformë kushtetuese që synon forcimin e llogaridhënies dhe kontrollit ndaj pushtetit.

1.4. Komisioni Parlamentar për Reformën Zgjedhore nuk gëzon legjitimitetin e nevojshëm për realizimin e reformimit të kuadrit ligjor zgjedhor dhe nuk është organ përfaqësues i vullnetit të qytetarëve. Ai është produkt i zgjedhjeve parlamentare të vitit 2017, të diktuara gjerësisht nga krimi i organizuar dhe blerja e votave me paratë e pista të krimit. Për pasojë, asnjë Komision që ka në përbërje dhe drejtim individë që duhet të ishin në burg për krime elektorale, nuk gëzon legjitimitetin për realizimin e Reformës Zgjedhore. Asnjë Komision që ka në përbërje dhe drejtim individë që nuk përfaqësojnë opozitën, nuk mund të përcaktojë rregullat për pjesëmarrje në zgjedhje të partive politike opozitare.

1.5. Opozita e Bashkuar propozon që procesi të drejtohet nga një strukturë e përbërë nga përfaqësues të organizmave ndërkombëtar (OSBE/ODIHR, BE, SHBA, etj.), një përfaqësues i Parlamentit monopartiak dhe një përfaqësues i Opozitës së Bashkuar. Produkti i dakordësuar nga kjo strukturë, pasi i nënshtrohet konsultimit me publikun, nëpërmjet formave dhe metodave që mundësojnë marrjen e mendimit të qytetarëve, miratohet pa ndryshime.

  1. Reforma Zgjedhore është e nevojshme për përmirësimin e aspekteve teknike të organizimit të zgjedhjeve, por e pamjaftueshme për të garantuar zgjedhje të lira dhe të ndershme.

2.1. Ligji elektoral dhe legjislacioni penal që mbron zgjedhjet demokratike më së pari janë të nevojshme të zbatohen. Asnjë Reformë nuk mund të jetë e suksesshme nëse nuk ekziston vullneti politik dhe institucional për të zbatuar ligjet në fuqi. Reformat Zgjedhore marrin kuptim vetëm atëherë kur krimet elektorale të së shkuarës të jenë hetuar në mënyrë profesionale dhe të pavarur, dhe autorët e krimeve të jenë përballur me ligjin.

2.2. Opozita e Bashkuar mbështet qëndrimin e Misionit të OSBE-ODIHR se “Kuadri ligjor aktual mund të ofronte një bazë të shëndoshë për zgjedhje demokratike, nëse do të zbatohej në mënyrë të paanshme dhe me një vullnet të sinqertë politik”. Për pasojë, organet e zbatimit të ligjit duhet të hetojnë në mënyrë të plotë, të menjëhershme dhe transparente çdo akuzë për shkelje zgjedhore:

  • shitblerja e votës;
  • presioni mbi zgjedhësit në administratë publike;
  • abuzimi me burimet njerëzore dhe financiare shtetërore, pra mos ndarja e shtetit nga partia në pushtet;
  • cënimi i sekretit dhe lirisë së votës;
  • manipulimi dhe falsifikimi i rezultatit.

2.3. Duhet vullnet politik dhe një mekanizëm konkret të zbatueshëm për të realizuar ndarjen e plotë të politikës nga krimi. Kapja e shtetit nga krimi përmes përfshirjes së individëve me rekorde kriminale apo me lidhje me krimin e organizuar, në Kuvend, në Qeveri, në pushtetin vendor, në funksione të larta apo funksione kyçe të administratës publike dhe organeve ligjzbatuese, përbën një kërcënim të rëndë për integritetin dhe funksionimin e demokracisë dhe institucioneve demokratike dhe për vetë sigurinë kombëtare.

2.4. Zbatimi i Rekomandimeve teknike të OSBE-ODIHR kërkon ndërhyrje në legjislacionin në fuqi, duke përfshirë Kodin Zgjedhor, ligjin e administratës publike, ligjin për Policinë e Shtetit, Ligjin për Mediat Audio-Vizive, etj.

  1. Diskutimi për Reformën Zgjedhore duhet të kryhen sipas një rendi përparësish, me qëllim zgjidhjen e problematikave që kërkojnë vullnet politik për të garantuar zgjedhjet demokratike dhe qeverisjen përfaqësuese dhe kushtetuese, dhe më pas me zgjidhjen e çështjeve me karakter teknik.
  2. Ofrimi i garancive shtetërore për barazi të subjekteve zgjedhore dhe zhvillimin e zgjedhjeve demokratike që garantojnë ushtrimin efektiv të së drejtës kushtetuese për të zgjedhur dhe për tu zgjedhur. Në këtë kuadër, konstatohet se:
  • Qeveria aktuale nuk ofron asnjë garanci për ndarjen e shtetit nga partia apo politikës nga krimi.
  • KQZ nën kontrollin politik të partisë në pushtet nuk garanton paanshmërinë dhe pavarësinë e administratës zgjedhore, duke anulluar të gjitha garancitë që ofron ligji për subjektet zgjedhore.
  • Organet e zbatimit të ligjit (Prokuroria, Policia e Shtetit dhe Shërbimi Informativ i Shtetit) nuk kryejnë dot funksionet e tyre sipas ligjit, për shkak të kontrollit nga partia në pushtet dhe Qeveria.
  • Gjykatat janë jofunksionale dhe nën presionin politik të Qeverisë, siç evidentoi OSBE/ODIHR, duke pamundësuar ushtrimin e garancive që Kushtetuta dhe ligji ofrojnë në rast shkeljesh nga Qeveria apo administrata zgjedhore.
  1. Ofrimi i garancive për vendimmarrje të drejtëpërdrejtë nga qytetarët, përmes bërjes efektive të Referendumeve.

Zgjedhjet nuk janë e vetmja forme e shprehjes së vullnetit të qytetarëve. Kushtetuta i garanton qytetarëve shprehjen e vullnetit dhe pjesëmarrjen e drejtëpërdrejtë në vendimmarrje, nëpërmjet Referendumeve. Kodi Zgjedhor aktual, i pandryshuar për këtë çështje që nga viti 2000, pamundëson zhvillimin efektiv të Referendumeve. Referendumet janë e vetmja formë që përveç mundësisë për vendimmarrje të drejtëpërdrejtë nga qytetarët për një çështje, garantojnë edhe të drejtën e qytetarëve për të ndikuar drejtëpërdrejtë në politikbërje, nga Qeveria, Parlamenti dhe partitë politike.

10 Comments

  1. PIRDH PIRDH LULO..OFRO ZGJIDHJE REALE, JO TI LESH DORE TE LIRE QEVERISE PER TE REAGUAR..QEVERIA ASNJEHER NUK PUNON KUNDER INTERESIT TE VET O KUNGULL I VOTUAR NGA KUNGUJ.

  2. O Lul bytha mos bej kot te fortin se e dine te gjithe se je deshtak i lindur,po gjej menyren per te hyre ne sistem se vjen shpejt 2021shi e i mer Ramushi te gjitha pushtetet e na behet mbret per fajin dhe paaftesine tende o kungull…

  3. O te paemer ,bravo ,e muaret shperblimin per sot . Nga reagimi duket o jeni militante te rilindjes te punesuar ne administrart, o Jane topallet me Patozet “opzitare” te vertet

    1. Bravo “mesuesi”ti e kapke qe ne ajer,paske edhe teorine e Enverit,o me ne o me ata,rruge te mesme nuk ka,tamam “demokrat” 18 karash si Sala…

  4. Shume mire, kushtet po te kete vullnet nga Rilindasit behet. Duhet vendosur njehere e mire qe Shqiperine nuk mund ta terheq me zvarre kjo mazhorance bandite por as edhe kushdo qe vjen neser. Ndryshe do kalojne breza dhe kjo histori do perseritet pa fund

  5. Pordh-ozita, ben propozime sikur të kishte 49% të parlamentit, kur nuk kanë asnje votë në parlament.
    Prandaj kjo quhet: “Pirdh të ç’urgusesh o LYL!”
    “Urgusja – është një fenomen që ndodh tek ripërtypësit e cila shoqërohet me fryrje të medha të barkut të cilat zakonisht shkaktohen kur ke pordhë shumë”!
    Kështu që edhe Lyli është një ri-përtypës, po, po…. i tillë sepse lëpin ato që ka pështyrë para ca kohësh, dmth ri-lëpirës!

  6. PARA SE TE VESH KUSHTE TI DUHET TE SHPREHESH HAPUR NESE I DO APO JO NDRYSHIMET ZGJEDHORE SE DERI ME SOT KE QENE KUNDRA.

  7. E para nga kushtet duket qe lulu e mona nuk duan te ulen,e dyta dhe me e rendesishmja lulu e mona nuk kane vota,e treta lulu e mona jane jashte sistemit me deshire e katra lulu eshte ne hetim per parate ruse,keshtu nuk vendos kushte e pesta lulu e mona duhet te dakortesohen me opoziten parlamentare te mbeshtetur nga shba,lulu o loqe qe nuk u poqe dhe e fundit lulu braktis vrasesin salih karaxhic berishen,qe te shpetosh

  8. Lum PD ne dore te kujt ka mbetur,e them kete sepse me kriminel si basha me kopen e tij vetem se do ta shuaje PD-n shum me shpejt seq kane menduar shqiptaret,kurse e them lum shqiperia qe ka kriminel ne krye te PD-s sepse keshtu do ta kete me lehte ti njoh kriminelet.

Lini një Përgjigje

Adresa juaj email s’do të bëhet publike.

Kthehu