Tani është zyrtare: Charles Leclerc do të mbetet tek Ferrari deri në 2024. Skuderia e Maranello ka konfirmuar zgjatjen e kontratës me 22 vjecarin, përmes një komunikate në të cilën njofton se “ka rinovuar kontratën me Charles Leclerc deri në sezonin 2024”. Është prekur gjithashtu edhe pagesa e pilotit, që tani duhet të shkojë në 9 milionë në sezon, afërsisht trefishi i asaj që përfiton aktualisht.
Extremely happy to announce that I will be staying with @scuderiaferrari for 5 more years. I'm so grateful to be driving for such a team. I've learnt so much during this first year with the team and it is a great starting point to build a strong relationship for the years ahead. pic.twitter.com/3VPtbsCZT1
— Charles Leclerc (@Charles_Leclerc) December 23, 2019
Një dhuratë e bukur Krishtlindje për Leclerc, që në vitin e parë tek Ferrari ka impresionuar: në krah të Sebastian Vettel, 4 herë kampion bote, jo vetëm që nuk bëri figurë të keqe, por shkëlqeu me vendosmëri e shpejtësi. Arritjet e tij sezonale fiksuan 7 pole position e 2 fitore, e para në Spa dhe e dyta në Monza (për të cilën është vlerësuar si shpërthimi i vitit nga Gazzetta Sports Aëards): tregojnë aftësitë e tij në shpejtësi, por edhe forcë në garat e gjata. Pa llogaritur disa gabime të pashmangshme të moshës së re, mentaliteti e maturia e pilotit nga Monaco janë ato që kanë mrekulluar më shumë. E që natyrisht ka bindur edhe Ferrari të bllokojë për një kohë të gjatë kampionin e tij.