Carlos Sainz dhe Ferrari morën skenën qendrore në GP të Australisë, raundi i tretë i sezonit të F1. Të dielën e kthimit në normalitet për Verstappen, i detyruar të tërhiqej për shkak të problemeve me frenat e Red Bull, spanjolli e parakaloi në xhiron e katërt dhe u shkëput drejt një suksesi që nuk u vu kurrë në dyshim. E në shkallën e dytë të podiumit shkon Charles Leclerc, për një dopietë të skuadrës së kuqe, që mungonte që nga Bahrein 2022. I treti u pozicionua Lando Norris, i ndjekur nga shoku i tij i skuadrës te McLaren, Oscar Piastri. Në finale, frikë për George Russell dhe Mercedes, me britanikun që goditi murin në kthesën 8, gjë që çoi në makinën virtuale të sigurisë e cila ngriu pozicionet në xhiron e fundit.
NGA OPERACIONI TE TRIUMFI NË DY JAVË
Një befasi e bujshme në xhirot e para të garës prishi çdo plan të Red Bull, me Ferrarin dhe Carlos Sainz që i falënderuan për një arratisje drejt fitores. Telashet në skuadrën austriake janë shumë të rralla, por kur ndodh, nga garazhi i Maranelos, dinë ta shfrytëzojnë mirë, me Sainz që e nuhati prenë Max Verstappen, i cili, i tradhtuar nga frenat e RB20, u detyrua të tërhiqej. Një humbje, që nuk kishte ndodhur prej dy vitesh, që e bëri edhe më të këndshëm suksesin e skuderisë italiane, me një Sainz heroik në bordin e SF-24.
Me mendimin e dy javëve më parë dhe ditët e dhimbjes së kaluar në shtrat pas operacionit të apendisitit që e detyruan të mos garonte në Jeddah, spanjolli buzëqesh sërish në shkallën e sipërme të podiumit që i kishte munguar që nga shtatori 2023 në Singapor, herën e fundit të një mungese suksesi të Red Bull.
LECLERC MBAJTI PRESIONIN
Dhe është një buzëqeshje e dyfishtë për Ferrarin, sepse përkrah madrilenit është Charles Leclerc, i aftë për të vuajtur dhe mbrojtur veten kundër McLaren të Norris dhe Piastri. Të dy bënë presion pas pilotit nga principata që u detyrua të shtrëngonte dhëmbët nga mesi deri në fund të garës. Një SF-24 që nuk e la plotësisht të kënaqur numrin 16 të Ferrarit, por gjithsesi i aftë për t’i dhënë Ferrarit një dopietë që i mungonte nga Bahrein 2022.
Lexo më tej: F1/ Verstappen një ‘marsian’, Red Bull dominon në Jeddah: sensacional debutuesi i Ferrarit Bearman
Jashtë podiumit, pas Norris, u vendos McLaren i Oscar Piastri, i “detyruar” nga urdhri i skuadrës që t’ia linte britanikut parakalimin e lehtë sepse ishte më i fortë në pistë. Në top 5, pastaj, një Sergio Perez asnjëherë agresiv, i cili nga Melburni dërgon një kartolinë zhgënjyese për ti kujtuar Red Bull, se pa Max Verstappen në pistë është anonim.