Uefa ka përjashtuar Manchester City nga Kupat e Europës për dy sezonet e ardhshme, përvecse i ka vendosur Citizens një gjobë prej 30 milionë euro, për dhunimin e Fair Play Financiar. Një goditje e fortë për klubin e Guardiola, që do të jetë i detyruar të qendrojë jashtë Champions për dy vitet e ardhshme. Sipas asaj që bëhet e ditur nga Dhoma e Gjykimeve e Uefa-s, klubi ka të drejtë të prezantojë ankimim kundër këtij vendimi në Gjykatën Arbitrale për Sportin. Për më tepër Uefa nuk do të komentojë më tek këtë vendim në këtë fazë.
Ashpërsia e përjshtimit nga të dy kompeticionet elitare të Uefa-s, dhe shkalla e gjobës, pasqyrojnë se sa seriozisht organet përkatëse të FFP-së të Uefa-s kanë marrë shkeljen nga klubi të rregullave dhe kodit të sjelljes.
City është gjetur fajtor nga Club Financial Control Body (CFCB) i UEFA-s pasi kishte fryrë në mënyrë false të ardhurat nga sponsorizimi, kur kanë bërë prezantimin e dokumentacionit për procesin e FFP-së. Konstatimi i fajit është arritur pas një hetimi të nxitur, nga publikimi i email dhe dokumenteve “të rrjedhura”, nga revista gjermane Der Spiegel në nëntor 2018.
E-mailet dhe dokumentet e zbuluara duket se tregojnë që pronari i City, Sheik Mansour bin Zayed Al Nahyan, i familjes qeverisëse në Abu Dhabi, ishte kryesisht duke financuar sponsorizimin e madh vjetor, prej 67.5 milion stërlina, për fanellën e City, stadiumit dhe akademisë, përmes linjës ajrore të vendit të tij, Etihad. Një prej email të zbuluara tregonte se vetëm 8 milion stërlina nga ai sponsorizim në 2015-16 u financuan direkt nga Etihad, dhe pjesa tjetër vinte nga kompania e automjeteve të Mansour, për pronësinë e City, Abu Dhabi United Group.