Në kohën kur klubet po mendojnë të aplikojnë strategjinë e shkurtimit të pagave, duke u ndeshur në rastet më të shumta me refuzimin e lojtarëve për ta bërë, tek Juventus është një situatë krejt tjetër. Kapiteni i bardhezinjve Giorgio Chiellini ka thirrur skuadrën për të ndërmarrë një veprim, në një moment shumë të vështirë për Italinë dhe futbollin, lidhur me emergjencën koronavirus. Qendërmbrojtësi ka prekur ndjesinë e përgjegjshmërisë tek shokët e tij të skuadrës, duke kërkuar pikërisht vetëofrimin për shkurtimin e pagave.
Chiellini, pas një konfrontimi me presidentin e Juventus Andrea Agnelli e drejtorin sportib Fabio Paratici, ka avancuar tre propozime për të reduktuar pagesën e për të ndihmuar në këtë mënytë klubin. Në kampin bardhezi po studiohet një zgjidhje e brendshme në pritje të normativave në planin kombëtar.
Sipas asaj që bën të ditur ‘Gazzetta dello Sport’, janë tre opsionet në dispozicion të lojtarëve, që duhet të bëjnë zgjedhjen e tyre brenda fundit të muajit. Zgjedhja e parë parashikon pagesën e muajit mars, pastaj pezullimin e pagave deri kur të rikthehet të luhet. Nëse do të rinisë loja, pjesa e pagës për periudhën e luajtur do të ngrijë e do të paguhet më vonë. Varianti I dytë parashikon heqjen dorë nga një rrogë në dy muaj, ose dy në katër, nëse kampionati ndërpritet përfundimisht. Opsioni i tretë parashikon heqjen dorë nga një muaj e gjysëm pagesë, pavarësisht se cfarë rrjedhe merr sezoni. Në fund të muajit do të vijë vendimi.