“Titulli kampion numër 29 mbërrinte #OnThisDay, në 2006”. Juventus kujton në faqet e tij zyrtare të rrjeteve sociale triumfin, në 14 maj të 14 viteve më parë, të titullit kampion numër 29 në historinë e klubit bardhezi, në fushën neutrale të Barit kundër Reggina. Kaq ka mjaftuar që të shpërthejnë në kritika e ofendime në rrjet, të gjithë tifozët e skuadrave të tjera, sepse është titulli më i kontestuar në historinë e futbollit italian.
Juventus u shpall kampion, por më pas ai titull iu dorëzua Inter, që në kampionat ishte renditur në vendin e tretë, edhe pas Milan, për ngjarjet e Calciopolit. Bardhezinjtë, të parët në fushë, u dërguan në vendin e fundit të renditjes, duke u rrëzuar në Serie B nga drejtësia sportive, ndërsa Milan i zbritën pikët, duke dalë edhe nga zona Champions.
Lo Scudetto numero 2️⃣9️⃣ arrivava #OnThisDay, nel 2006 ?? pic.twitter.com/4GEZi2ven3
— JuventusFC (@juventusfc) May 14, 2020