Shqipëria duket se është përfshirë nga një valë koronavirusi me raste të shtuara gjatë ditëve të fundit.
Kështu, siç mëson ABC News, vetëm gjatë ditës së sotme janë konstatuar 11 raste të reja me koronavirus vetëm në Tiranë.
Rastet e reja janë në qytet, ndërsa nuk dihet ende numri i të prekurve nga virusi në QSUT, të dhëna që do t’i publikojë Instituti i Shëndetit Publik gjatë mesditës së sotme.
Më herët, ABC News raportoi për dy raste të reja me koronavirus në Qendrën Shëndetësore nr.9 në Tiranë.
Të infektuarit janë dy mjekë, të cilët gjithashtu dyshohet se janë infektuar ngapacientët.
Po ashtu, gjatë ditës së sotme janë konstatuar katër raste të reja me koronavirus edhe në Lushnje duke e rifutur këtë qytet në hartën Covid, ndërsa së fundmi mësohet se kanë dalë pozitivë me koronavirus edhe 6 rastë në Mat.