Në fillim Liverpool, tani Chelsea: e ardhmja e Timo Werner, që mund të largohet nga Leipzig falë një klauzole të zgjidhjes së kontratës rreth 60 milionë euro deri në 15 qershor, me shumë mundësi do të jetë në Premier. Vetëm se kur duket e mbyllur cështja me Blues, që arritën ti propozonin sulmuesit gjerman një kontratë 5 vjecare për 10 milionë në sezon, ka ardhur një prapaktheu i cuditshëm i Red Bull. Oliver Mintzlaff, administratori i deleguar i RB Leipzig, ka përjashtuar krejtësisht se situata është vendosur dhe ka mohuar se Chelsea ka kontaktuar shoqërinë e tij për të komunikuar se do të paguajë klauzolën e zgjidhjes së kontratës së lojtarit.
“Duam të shkojmë në Champions League – ka deklaruar drejtuesi i klubit gjerman – e kjo është e vetmja gjë që po diskutojmë tani me Timo. Ishte e rëndësishme për ne të rinovonim kontratën e tij dhe e bëmë verën e kaluar, sepse është thelbësore për klubin tonë të ri, që asnjë lojtar të mos ikë falas. Natyrisht ishte kjo klauzolë që e kemi vendosur në kontratë për ti dhënë mundësinë të bëjë hapin tjetër. Tani është Timo që ka në dorë situatën, jo më ne. Deri tani, ai nuk e ka paguar klauzolën e asnjë klub nuk na ka dërguar një kontratë transferimi. Chelsea? Nuk kemi marrë ende asnjë kontratë. Kështu nuk kemi cfarë të themi. Timo Werner është një lojtar i RB Leipzig”.