Përsëri polemika për Var. Me kampionatin gjerman që po shkon drejt fundit, cdo pikë mund të jetë vendimtare e motiv për nervozizëm. Stuttgart në 20 maj ankimoi kundër njohjes së rezultatit të ndeshjes në Bundesliga 2 kundër Wehen. Një penallti e akorduar nga arbitri i drejtuar nga Var, pavarësisht se ai përmes pamjeve të para në ekran nuk e kishte dalluar faullin (biseda mes Var dhe arbitrit u dëgjua nga mungesa e publikut në stadium). Por tani edhe Augsburg, në Bundesligë, ngre zërin.
4 javë nga fundi, klubi bavarez ka 4 pikë avantazh ndaj të tretës nga fundi që në Gjermani do të thotë playout me të tretën e divizionit të dytë. Një distancë e mirë, por akoma jo sigurie. Për këtë motiv, barazimi në shtëpi në përplasjen direkte me Koln nuk i ka pëlqyer fare teknikut Heiko Herrlich. Për mendimin e tij kishte një penallti (evidente) që as arbitri e as Guido Winkmann tek Var nuk e kanë quajtur të tillë. Në këtë pikë shpërthejnë polemikat e dyshimet. Pikërisht kështu sepse Winkmann banon pak kilometra nga Këlni, klubi që do të ndëshkohej në rast se do të akordohej penalltia…
Në minutën e 49′, me rezultatin 0-0: Noel Sarenren Bazee, i Augsburg, rrëzohet në zonë i kontrastuar nga Rafael Czichos e Ismail Jakobs. Arbitri vazhdoi lojën e pastaj u konsultua me Var, por penalltia nuk u akordua: “Për mua është e pakuptueshme – tha Herrlich në fund të ndeshjes -. Nuk e di si Winkmann nuk e pa. Goditet në këmbë e tërhiqet nga krahu. Nuk ekziston penallti më penallti se kaq. Nuk e di cfarë tjetër duhet të ndodhë. Nëse është kështu ta mbyllim me VAR. Ky është një skandal. Tek VAR ishte një njeri që banon 30 kilometra nga Këlni…”.