Juventus po lëviz me qetësi, pa bërë shpenzime të cmendura. Kështu, Paratici është pranë firmës me mesfushorin 21 vjecar amerikan Weston McKennie të Schalke 04. Operacioni po mbyllet me formulën e huazimit, 3,5 milionë, me të drejtën e blerjes të fiksuar në 18 milionë. Amerikani është lojtari klasik i mesit të fushës të gjeneratës së re. I aftë të bëjë gjithcka në repart, me aftësi të mira teknike por, sidomos, i aftë në vrapime dhe rikuperimin e topit.
Nuk shënon shumë, të paktën në Gjermani. Në 91 prezenca, mes Bundesliga, kupës e Europa League, ka realizuar vetëm 4 gola. Më mirë mesatarja me kombëtaren amerikane ku ka shënuar 6 në 19 ndeshje, ku spikat tregolëshi në fitoren 7-0 me Kubën. I lindur në Texas, ai ka jetuar në Gjermani ku i ati punon si ushtarak. Bashkë me Pulisic, ai është një nga të rinjtë amerikanë më interesantë në futbollin botëror.