• |
ide | kryesore

Balla: Nëse nuk marr vota sa për një mandat, do iki nga parlamenti

-Instant, Arkiva, Lajme, Të fundit

Kreu i Grupit Parlamentar të Partisë Socialiste, Taulant Balla teksa diskutonte me të ftuarit në panel në emisionin ‘Open’ për ndryshimet në Kodin Zgjedhor ka bërë një premtim.

I pyetur nëse me propozimin e PS, edhe nëse ai merrte “zero vota, por ishte i renditur i pari në listë, a do hynte në parlament”, ai ka pohuar, por ka shtuar se do të rishikonte pozicionin e tij nëse nuk merr vota sa për një mandat.


“Nëse unë nuk marr vota sa për një mandat, do të rishikoj pozicionin tim. Këtë duhet ta bëjnë të gjithë ata që nuk votohen nga qytetarët”, tha Balla. 

Por në vend që ta lërë këtë në dorë të secilit, Balla mund të pranojë propozimin e opozitës që hap listat 100% dhe sanksionon hyrjen në parlament të më të votuarve. ©LAPSI.al

3 Comments

  1. Eksperienca e këtyre 30 viteve na ka provuar dhe bindur se kjo skotë njerëzish pa ideale dhe pa skrupuj nuk kanë lënë gjë pa bërë dhe janë ndier të mbrojtur pasi drejtësinë e kishin kapur për fyti në saje të pushtetit që kishin.

    Kur, rastësisht, binin në rrjetën e drejtësisë, vraponin të vetëshpalleshin të ” përndjekur politikë “. Kur djegin Shqipërinë dhe sulmojnë institucionet me të gjithë arsenalin e armatimit pretendojnë se po luftojnë për ” demokraci “; kur vjedhin dhe shpërdorojnë paratë e buxhetit të shtetit i mbyllin gjyqet me ” procedura ” të shpikura ose ” i fitojnë ” ato ” pesë me zero ” dhe ne na tregojnë gishtin e mesit; kur vrasin njerëz të pafajshëm në bulevard pretendojnë se ” kemi zbatuar ligjin ” dhe kërcënojnë se do të vrasin disa herë më shumë dhe ” ekzekutojnë si bandit ” cilindo që ” iu afrohet zyrave të mija “; kur falsifikojnë rezultate votimesh apo mbushin kutitë e votimeve me fletë – votime false duke e shumëfishuar disa herë rezultatin zgjedhor në favor të tyre krahasuar me zgjedhjet paraardhëse, iu fryjnë borive duke pretenduar se ” pushteti aktual është produkt i blerjes së votave ” ndërsa ata janë viktimat.

Lini një Përgjigje

Adresa juaj email s’do të bëhet publike.

Kthehu