Numri i viktimave të tërmetit në Izmir të Turqisë ka shkuar në 35. Lajmi është dhënë nga Ministri i Shëndetësisë së Turqisë Fahrettin Koca, që ndodhet në zonën e prekur nga tërmeti në Izmir. Ministri Koca deklaroi se 8 persona, 3 prej të cilëve janë në gjendje të rëndë, ndodhen në kujdes intensiv dhe në total 243 persona po trajtohen në spitale.
Deri tani janë regjistruar 885 të lënduar dhe operacionet e kërkim-shpëtimit vazhdojnë ende.