“Situata në Shtëpinë e Bardhë këtë të premte ka qenë e tmerrshme”. Kështu i rrëfyen disa zyrtarë të afërt me Trump televizionit CBS News, partneri i BBC në SHBA.
“Disa nga ndihmësit e presidentit nuk janë paraqitur në punë sot dhe atmosfera është “shumë e zbrazët”, – thotë CBS. Gazetarja e këtij TV, Tara McKelvey që mbulon Shtëpinë e Bardhë raportoi për një situatë të ngjashme.
“Shumë nga tryezat janë bosh. Ndihet drithëruese. Disa nga anëtarët e stafit janë jashtë Shtëpisë së Bardhë duke biseduar privatisht në celularët e tyre ose duke shëtitur”, – tha ajo.
Presidenti ishte në Zyrën Ovale për të paktën një pjesë të ditës – ndërsa një marins qëndronte roje jashtë krahut perëndimor. Kjo do të thotë se Presidenti është paraqitur për punë.
Ndërsa ai është duke lëshuar cicërima në Twitter në ditët e fundit, duke premtuar një sfidë ligjore në mënyrë që të rizgjidhet, ndihmësit e tij thonë se ai mund t’i bëjë një tjetër fjalim para kombit përsëri mbrëmjen e së premtes.
Ata thonë se shanset që ai të mbajë një fjalim publik do të rriten nëse Biden del të flasë, siç ka bërë të ditur stafi i fushatës së tij. ©LAPSI.al
TRUMP the Greatest.