Megjithëse rezultati i zgjedhjeve në Shtetet e Bashkuara të Amerikës ende nuk është çertifikuar, Joe Biden dhë zëvendësja e tij Kamala Harris kanë mbledhur task forcën e re për të marrë në dorë situatën e pandemisë. Ndonëse Trump vazhdon me kundërshtitë si në rrjetet sociale po ashtu edhe në rrugë ligjore, duket se Biden ka marrë frerët e vendit dhe kërkon të bëjë ndryshimet e para ende pa u ulur në karriken e presidentit.
Joe Biden dhe Kamala Harris u informuan virtualisht mbi pandeminë nga një task forcë ekspertësh e re që u prezantua këtë të hënë. Demokratët Biden dhe Harris u ulën në tavolina të ndara dhe dëgjuan përfundimet e ekspertëve ndërsa Biden planifikohet të mbajë një fjalim mbi përgjigjen ndaj pandemisë. Kjo konferencë informuese u mbajt në qytetin e Queen, të Delaware-it, vend në të cilin anëtarë të kabinetit Biden ndërtuan një studio të posaçme, nga ku demokrati ka organizuar takime dhe fjalime virtuale.