Kryetari i Komunës së Preshevës, Shqipërim Arifi është shtruar në spital pasi gjendja e tij shëndetësore është rënduar. Ishte vetë Arifi që ka dhënë lajmin në faqen e tij në Facebook se pak ditë më parë ka bërë tamponin për COVID-19, i cili ka rezultuar negativ, por gjendja e tij është rënduar.
“Të nderuar qytetar të Komunës së Preshevës. Kam obligim moral të ju njoftoj se jam në gjendje të rëndë shëndetësore dhe gjindem momentalisht nën përkujdesjen e ekipit mjekësor në Spitalin e Nishit.
Edhe pse kam kryer disa ditë më parë testin për Corona me rezultat negativ, ndërkaq kam pasur përkeqësime të shëndetit dhe jam detyruar të shtrihem në Spital. Ju përshëndes të gjithëve. Shtoni kujdesin të gjithë, ruani veten dhe familjen” – shkruan Arifi në Facebook. ©LAPSI.al