Ndonjë anglez nuk e ka harruar atë cerekfinale në Botërorin 1986 në të cilin Diego Armando Maradona mori skenën si protagonist duke eleminuar Anglinë me fanellën e Argjentinës. Një ndeshje që u fut në histor, një 2-1 që të gjithë e kujtojnë. Dy gola të Pibe de Oro: më i bukuri i të gjithë kohëve e ajo me ‘Mano di Dios’ (dorën e Zotit). Kështu Daily Star, në ditën që Maradona u nda nga jeta, ka dashur ta hapë tabloidin me një faqe të parë që stonon: “Ku ishte Var kur kishim nevojë?”.
Maradona ishte nga ata që në Angli shiheshin jo me sy të mirë dhe këtë e konfirmojnë fjalët e Peter Shilton, portierit legjendar anglez.
“Kishte madhështi por jo sportivitet”. Portieri i Anglisë në Meksikë ’86, nuk e ka falur kurrë Diegon për ‘Mano de Dios’, golin e shënuar nga Maradona me dorë në cerekfinalet e asaj Kupe. Në një intervistë për Daily Mail, Shilton pranon që Maradona ka qenë “lojtari më i madh me të cilin është përballur. Por ajo që nuk më pëlqen është se nuk ka kërkuar kurrë ndjesë”, ka thënë ai. “Nuk e ka pranuar kurrë se mashtroi. Jeta ime ka qenë për një kohë të gjatë e lidhur me atë të Diego Maradonës, e jo në mënyrën që do të doja. Megjithatë jam i trishtuar që mësova vdekjen e tij në moshë kaq të re” është shprehur Shilton.