Një 63-vjeçar është arrestuar nga policia e Lezhës, pasi gjatë kontrollit në dyqan iu gjetën dy armë zjarri. Policia thotë se në kuadër të operacionit të koduar “Kashnjeti” në pranga u vu shtetrasi N.P.
“Gjatë kontrollit të ushtruar në dyqanin e këtij shtetasi, shërbimet e Policisë gjetën dhe sekuestruan në cilësinë e provës materiale një armë zjarri automatik dhe një armë gjahu”, thotë policia.
Materialet iu referuan Prokurorisë së Rrethit Gjyqësor Lezhë, për veprat penale “Mbajtja pa leje e armëve luftarake” dhe “Mbajtja pa leje e armëve të gjuetisë dhe sportive”.