Parakalim i Juventus ndaj Real Madrid në vlerësimin e dhënë nga UEFA. Falë suksesit 3-0 ndaj Dinamo Kiev në raundin e fundit të diskutuar në Champions League, bardhezinjtë janë vendosur në vendin e tretë të renditjes Uefa për klube, duke kaluar merengues, që dolën të mundur 2-0 nga transferta ukrainase në fushën e Shakhtar Donetsk. Mbeten të pandryshueshëm dy vendet e para, me Bayern Mynih në krye e Barcelona pas shpine.
Në top 10 të klubeve elitare duhet sinjalizuar edhe hapi përpara i bërë nga Psg, aktualisht në vendin e shtatë, në dëm të Manchester United (i teti), të cilët i mundi pikërisht një ditë më parë në Old Trafford. Anglezët e spanjollët dominojnë pozicionet e para, ndërsa italianet më mirë të renditura janë Roma e Napoli që figurojnë në Top 20 të Uefa-s, respektivisht në vendin e 18 e 20, ndërsa Inter në të 25°.