• |
ide | kryesore

Mediat greke: Zgjerimi me 12 milje në Jon është mesazh për Turqinë

-Instant, Lajme, Planet

Zgjerimi i Greqisë me 12 milje në detin Jon dhe dërgimi në Parlament i këtij projektligji, për t’u votuar më pas në datën 19 janar, ishte një mesazh i qartë për Turqinë, raportojnë mediat greke.


Ministri i Punëve të Jashtme të Greqisë, Nikos Dendias duke komentuar dorëzimin në Parlament të projekt-ligjit për shtrirjen e ujërave tona territoriale me 12 milje në detin Jon, thotë se kjo është një e drejtë “e patjetërsueshme” e Greqisë, por thekson se vendi i tij kërkon marrëveshje me vendet fqinje për këto çështje.


Së shpejti, Greqia dhe Turqia do të fillojnë përsëri kontaktet eksploruese dhe Greqia ka vendosur si axhendë ekskluzive zgjidhjen e zonave detare, të cilën e ka bërë tashmë me Italinë dhe Egjiptin, si dhe është në negociata me Shqipërinë, çështje që është dërguar edhe në Gjykatën e Hagës.

Kohët e fundit Ministri i Jashtëm i Turqisë, Mevlüt Çavuşolulu ka thënë se së shpejti do të ketë një datë për rinisjen e kontakteve kërkimore midis dy vendeve.

Mediat greke theksojnë se në funksion të betimit të Joe Biden si President i SHBA, Turqia duket se po braktis, të paktën për një periudhë afatshkurtër, taktikën e tensionit në Mesdheun lindor dhe duke bërë një “kthesë” drejt Bashkimit Evropian.

Lini një Përgjigje

Adresa juaj email s’do të bëhet publike.

Kthehu