Një farmaci është grabitur me armë zjarri mbrëmjen e sotme në Tiranë. Siç duket edhe nga foto më lart, një person i armatosur dhe i maskuar, ka hyrë brenda farmacisë dhe ka grabitur xhiron ditore.
Ngjarja ka ndodhur rreth orës 20:13 në rrugën “Bardhok Biba” në kryeqytet. Policia ka shkuar në vendngjarje dhe është vënë në ndjekje të autorit.
Në akset aty pranë janë ngritur pika të shumta kontrolli. Grupi hetimor ndodhet në vendngjarje dhe po punon për fiksimin e çdo prove që do çojë në identifikimin dhe kapjen e autorit.